Yay Khud Ashnai Ka Sila Hay….

[SupremeSohni]

Mera Akkss Khudi K Marhalon Mein
Darja Ba Darja Sanwarta Rahaa
Wo Baykhud Har Aeney Mein Mujhay,
Apni Hi Nazar Say Takta Raha


Mujhay Uss Say Haqeeqi Aqidat Thi,
Yay Aqeedat Meri ibadat Thii
Wo issey Merey Paon Ki Zanjir Samajh Kar,
Raigaan Kartaa Rahaa


Merey Aur Uss K Beech Shanasai Ka,
Aesa to Kabhi Koi Silsla Hi Na Thaa
Wo Khud Ajnabi Ban K Milta Raha,
Khud Hi Mujhay Apna Smajhta Raha


Mein Nay Uss Ki Har Ik Mantaq Ko
Uss Ki Maslehat Gardaanaa
Wo Meer-e-Kaarwaan Matwaatar
Meri Nazar Say Girtaa Rahaa


Uss Nay Na Kabhi Dost Samajh Kar,
Mujh Par Bharosa Kiya Thaa
Wo To Apni Hi Dhoon Mein,
Rah-O-Rasm- E-Zamana Nibhata Rahaa


Ab Ajeeb Sa Lagtaa Hay
Apnaa Dost Bhi Samajhnaa Ussey
Jo Dosti Ki Aarh Mein
Apney Dost Say Daghaa Kartaa Rahaa


Jub Pichey Mur Kar Uss Ney Dekha,
Wo Mujh Say Bohat Door Khara Tha
Tub Mein Nay Bhi Usey Awaz Na Di
Aur Wo Bhi Tanhaa Hi Chaltaa Rahaa


Mein Hoon Warq Warq Khuli Kitaab,
Jis Ki Nazar Say Ghuzra Mera Nasab
Wo Apni Hi Keyfiyaat K Asar Mein,
Mera Sayaq-O-Sabaaq Parhtaa Rahaa

[zee]

zabardast

[Lovely]

Gr8

[deadly]

nice yaar

[prettyss0]

v nice