Khawabon ka bharam toot gaya

[SupremeSohni]

[glow=yellow,2,300]"khawabon ka bharam toot gaya"[/glow]


[glow=yellow,2,300]Apney bister pe buhut dair se mein neem daraz
Sochti thi ke woh iss waqt kahan par ho gaa?
Mein yahan hoon magar uss koocha-e-rang-o-boo mein…….
Roz ki tarha say woh aaj bhi aya ho gaa



Aur jab uss ne wahan mujh ko naa paya ho gaa...........
Aap ko ilm hay,woh aaj nahin aai hain?
Meri har dost se uss ne yahi poocha hogaa
Kiyoon nahin aai woh? Kiya baat hui hay aakhir?



Khud iss baat par so baar woh uljha ho gaa
Kal woh aaiey gee tu mein uss se nahin boloon gaa
Aap he aap kai baar wo rootha ho gaa
Woh nahin hay tu bulandi ka safar kitna kaathan



Seerhiyaan charhtey huey uss ne socha ho gaa
Rahdaari mein, harey lawn mein,phoolon ke qareeb



Uss ne har simt mujhey aan ke dhoondha ho gaa
Naam bhooley se jo mera kahin aya ho gaa
Ghair mehsoos tareeqey se woh chonka ho gaa
Aik jumley ko kayi baar sunaya ho gaa



Baat kartey huey soa baar woh bhoola ho gaa
Yeh jo larki nayi (new) aai hai…kahin woh to nahin?
Uss ne har chehra yahi soch ke dekha ho gaa
Jaan-e-mehfil hai magar aaj faqat merey baghair
Hai kiss darja wohi bazm mein tanha ho gaa



Kabhi sannaton se wehshat jo hui ho gee ussey
Uss ne besakhta phir mujh ko pukaara ho gaa
Chaltey chaltey koi maanoos si aahat paakar
Doston ko bhi kissi uzr se roka ho gaa



Yaad kar ke mujhey num ho gai hon gee palkein
Aankh mein par gaya kuch keh ke yeh tala ho gaa
Aur ghabra ke kitaabon mein jo lee ho gee panah
Har satr mein mera chehra ubher aya ho gaa



Jab mili ho gee ussey meri halaalat ki khabar
Uss ne aahista se deewar ko thama ho gaa
Ittifaqan mujhey uss shaam meri dost mili
Mein ne poocha ke ,suno,”aaiey they woh? Kaisey thay?”



USS ne aik lamhey ko dekha mujhey aur phir hans dee
Uss hansi mein to wo talkhi thi ke uss se agey
Kiya kaha uss ne..mujhey yaad nahin hai laiken…
Itna maaloom hay....................
Itna maaloom hay
"khawabon ka bharam toot gaya"[/glow]

[SupremeSohni]

Teri Judai~

Teri Judai se kya kya na sikha hai
Pehle hasna aur phir rona sikha hai

Tujh hi se sab sikha hai
Dard mein hasna bhi

Teri judai se sikha hai
Logo se Mohabbat karna
logo ke dard ko apna samjhna bhi

Teri judai se sikha hai
Dard sahna, dard mein muskrana Aur
Tanhai main rona bhi

Teri judai se sikha hai
Har waqt tarapna
Raaton ko uth uth ke rona bhi

Teri judai se sikha hai
Teri judai se kya kya na sikha hai
hum nai pehle hasna aur phir rona sikha hai

[SupremeSohni]

tere aansu

moti say bhee keemti hotay tere aansu,
jo mere daman main girtay tere aansu.....

mere khabon ko aankho main basa leti jo tu,
zamanay ki aankho main phirtay tere aansu......

inko dunia ki aankho say bacha kay rakhna,
kahin koi chura kay na lay jaye tere aansu......

ussi ko shyad ujla jal kehtay hai log,
jab us jal main hai miltay tere aansu........

jo log maikashi main bhee khuda ko pa gaye,
unkay paimano main humnay dekhay tere aansu......

un motiyon ka jag main koi daam na hota,
jo seep kay muh main ja girtay tere aansu......

sard mausam ki barish ki tapti boondon say,
ham ko jalnay say hai bachtay tere aansu......

[SupremeSohni]

Hum bhi shikasta dil hein pareshan tum bhi ho
Ander se reza reza meri jaan tum bhi ho

Hum bhi hein aik ujrey huwey sheher ki tarha
Aankhein bata rahee hein ke weeran tum bhi ho

Darpaish hei hamein bhi kari dhoop ka safar
Saye ki aarzoo mein pareshan tum bhi ho

Hum bhi khizan ki shaam ka aangan hain, be charaagh
Belein hein jis ki zard, wo daalan tum bhi ho

Jaiesey kisi khayaal ka saya hein do wajood
Hum bhi agar qayas hein, imkaan tum bhi ho

Mil jayein hum tau kaiesa suhaana safar katey
Ghayal hein hum bhi, sokhta saaman tum bhi ho

[SupremeSohni]

Terey sangg zindagi guzaar doon

Terey Sabhi ghamoon ko samait loon main tujhey itna pyar doon
Teri udasiyoon ko mita k teri harr shaam ko nikhaar doon.....

Teri aankhoon main pheli khizaan merey dil per asar kar gaii
Terey wajood ko mehka dey jo terey laboon ko woh bahar doon

Teri ik muskurahat ka badal ho nahi sakta magar
Jo miley tujhey khushii agar main apni jaan bhi waar doon

Aa gaya hai jo hijar ka daurterey aur merey darmiyaan
Jo milain mujhey fursatain ye waqt ka qarzz utaar doon

Terey dil ki raunaqain murjha gai hain jo is tarhaan
Laga k apney seeney se teri dharkanain sanwaar doon

Tanhaaiyoon k toofan se jo bikhar gai hain sabhi
Jo tou kahey tou teri har zulf sanwaar doon......

Meri nigaah bhi hai teri nazar ki muntazir
Jo karey tou idhar nazartujhey duaain be shumaar doon

Na dhann se na daulat se hai mera wasta!!!!!!!!!
Miley tou jo bass agar, terey sangg zindagi guzaar doon.

[SupremeSohni]

Badal Gye Hain

Is raat ki tanhayoon k'
sab rang badal gye hain

chand nikla hai wese hi
andhere badal gye hain

jin k bharose thi khushyan
wo badal gye hain

manzilain to ab bhi wohi hain
kuch rastay badal gye hain

jinpe kiya tha bharosa hum ne
wo dost bichar gye hain

dekhe the kabhi jo hum ne
wo khwab badal gye hain

jo banay the kabhi humsafar
aaj wo hi mukar gye hain

is totay hue dil k saray
jazbaat badal gye hain

na badlay kabhi hum
na badlay hamare khayalat

bus rona hai yahi..............
kuch log badal gye hain

[prettyss0]

USS ne aik lamhey ko dekha mujhey aur phir hans dee
Uss hansi mein to wo talkhi thi ke uss se agey
Kiya kaha uss ne..mujhey yaad nahin hai laiken…
Itna maaloom hay....................
Itna maaloom hay
"khawabon ka bharam toot gaya"




Wow poetry really khooooob

[prettyss0]

goody good