|
|
Post by SupremeSohni on Mar 8, 2007 1:31:43 GMT 10
[glow=green,2,300]Ek Din aayega wo Shakhs Hamara hoga
Us ki Aankhon mai Mohabbat ka Sitara hoga
Ek Din aayega wo Shakhs Hamara hoga
Jis ke hone se Meri Saaasein chala karti thi
Kis tarha us ke Bagair apna guzara hoga
Ye achanak jo Ujala sa ho jata hai
Dil ne chupke se Tera Naam pukara hoga
Ye jo Paani mai chala aya Sunehri sa Guroor
Is ne Darya mai kahin Paoon utara hoga
Kon Rota hai yahan Raat k sannaton mai
Mere jesa hi koi Hijr ka mara hoga[/glow]
|
|
|
|
Post by SupremeSohni on Mar 8, 2007 1:33:00 GMT 10
Ek Baar Kabi Dekho
Tum ho ke to Dunya se Be-Zaar kabi dekho
Aankhon mai kabi utro, us paar kabi dekho
Aansoo ki Haqeeqat to, hai Zakhm se Pe-Wasta
Gar Rooh pe Tum kha ker, Ek baar kabi dekho
Ho Aankh jahan Dard to Aansoo ho Kahaani
Aisi bhi koi Dunya ek baar kabi dekho
Dil Toot na jaye ga, agar Tum jo kabi khud ko
Aaeena-e-Dunya mai be-Kaar kabi dekho
Dekho ge kabi Tum bhi, ek Doobti Nayya ko
Saahil pe khare ho ker ek baar kabi dekho
Wo Mujh se ye kehte hain, chhoro ye Ajab Baatain
Jazbaat ki Lughat mai, Tum pyaar kabi dekho
Parhte jo Meri Aankhain, to Jaan ye lete wo
Kuch Log nahi kerte Izhaar kabi dekho
Auron ki tarah Tum bhi, Boli naa laga dena
Baahar jo Mere Ghar ke khareedar kabi dekho
Iss shor mai Tum Meri Awaaz daba dena
Agar Log Samaa'at se be-Zaar kabi dekho
Bojhal jo Meri Aankhain dekhein to wo kehte hain
Tum So ke to abb 'Mohsin' ek baar kabi dekho
|
|
|
|
Post by SupremeSohni on Mar 8, 2007 1:37:45 GMT 10
Bina Jurm-o-Khata, Khood ko koi aisi Saza Dena
Boht Mushkil hai Meri Janaa!! Tumhein bilkul Bhula Dena
Mere Maula! agar Tuu ne dubara Zindagi Bakhsi
To bus itni Guzarish hai, Mujhe Patthar bana dena
Mai Zehni tor per Khood ko zara Tayyar kar loongi
Bichar jane se kuch pehley HAMDAM bata dena
Tumhari ye Shararat aaj tak naqsh hai Dharkan per
Dabe paoon chale ana, Mera Jhumka hila dena
Phir is k baad jis paas b jao, ijazat hai
Mujhe ek baar apne Naam ki Mehndi laga dena
Faqat itna kaha tha na?.. Mujhe kuch Roshni dedo
Tumhein kis ne ye Bola tha, Meri Basti jala dena
Jise Barish k paani mai baha ker Muskhurate the
Mujhe Kagaz ki wo Kishti zara phir se bana dena
Umar bhar phir Tumhara Rasta takne se acha hai
Ke Tum jane kuch pehley Meri Aankhien bhuja dena
Tumhein is baar Khatt mai faqat ye Baat likhni hai
Ke Sawan laut aaya hai... Mujhe Jhoola jhula dena
|
|
|
|
Post by SupremeSohni on Mar 8, 2007 1:38:59 GMT 10
Bus Mujhe Mera Pyar Chahiye
Jo bani ho Mere lye
Jis ke lye mai Jee raha hoon
Jo kahe Hum saath hain Tere
Jise dekhne k liye Tarap raha hoon
Ek aisa hi Dildaar chahiye
Bus Mujhe Mera Pyar Chahiye
Aane se jis ke Phool bhi Sharma jaye
Chalne se jis ke Hawa bhi Tham jaye
Ho har Waqt rahe saath mai Mere
Chahe saari Duniya Mujh se Rooth jaye
Aisa hi kisi ka Aitbaar chahiye
Bus Mujhe Mera Pyar Chahiye
Jis ki ek Hansi k liye
Mar jane ko Dil kare
Jo kehde ek baar to
Phir Jeene ko Dil kare
Aisa hi Ek Humsafar chahiye
Bus Mujhe Mera Pyar Chahiye
Ek baar mili thi Mujhe woh
Par pata nahi kaha kho gayi
Ab agar mil jaye toh
use kahi jane na doon
Wohi khoya Yaar chahiye
Bus Mujhe Mera Pyar Chahiye
|
|
|
|
Post by SupremeSohni on Mar 8, 2007 1:40:04 GMT 10
Tu ne shayad Mere Mehboob ko dekha hi nahi
Kyun usey Tuu ne bas ek Phool kaha hai Mere Dost
Tu ne shayad Mere Mehboob ko dekha hi nahi
Tu jise itni Haseen cheez samajhta hai wo Phool
Sookh jaaye to Nigaahon ko bura lagta hai
Phool ka apna koi rang koi Roop nahi
Uske Jore mai saja ho to Bhala lagta hai
Mera Mehboob to har Waqt Naya hai Mere Dost
Tu ne shayad Mere Mehboob ko dekha hi nahi
Mere Mehboob ke Jalwon ka nahi koi Jawaab
Dhoop sa rang hai aur khud hai wo Chha'aoon jesa
Uski Payal mai Barsaat ka Mausam Chhanke
Sar pe Resham ka Dupatta hai Ghata'aon jesa
Wo jahan bhar ke Haseeno se juda hai Mere Dost
Tu ne shayad Mere Mehboob ko dekha hi nahi
Mere Mehboob ki Aankhen hain Do Gehri Jheelien
Jin mai khilte hain Mere waaste Chahat ke Kanwal
Unko dekhoon to Mujhe Shayari karni aa jaaye
Aur mai uske lye Gaaon Mohabbat ki Ghazal
Wo Mere Dil ke Dharakne ki sada hai Mere Dost
Tu ne shayad Mere Mehboob ko dekha hi nahi
|
|
|
|
Post by SupremeSohni on Mar 8, 2007 1:43:27 GMT 10
[glow=red,2,300]KYA KAROGE
Jab guzar jayegi Bahar to Kya Karoge
Yaad ayega Mera Pyaar to Kya Karoge
Satate ho aise jese Ajnabi hoon Mai
Jab Roothega Tum se Yaar to Kya Karoge
Apnaoge kisi aur ko Mujhay Tanha chorr kar
Usay hoga na Tum se Pyaar tto Kya Karoge
Aakhir Laut aaoge Tum Meri Raahon pe
Phir milega na pehla Pyaar to Kya Karoge
Abhi to Hanste ho Meri Wafa'aon pe 'MOHSIN'
Yaar phir Rona bhi hoga Bekaar to Kya Karoge[/glow]
|
|
|
|
Post by SupremeSohni on Mar 8, 2007 1:48:18 GMT 10
[glow=red,2,300]Sochoon Tu Wo Saath Chal Raha Hai
Sochoon Tu Wo Saath Chal Raha Hai
Dekhoon Tu Nazer Badal Raha Hai
Kyun Baat Zabaan Se Keh Ker
Koi DIL Aaj Bhi Hath Mal Raha Hai
Raton Ke Safar Mai Waham Sa Hai
Ye Mai Hoon Ke Chaand Chal Raha Hai
Hum Bhi Tere Baad Jee Rahe Hain
Aur Tu Bhi Kahi Behal Raha Hai
Samjha Ke Abhi Gayi Hain Sakhyaan
Aur DIL Hai Ke Phir Machal Raha Hai
Phele Si Wo Roshni Nahi
Ab Kia DARD ka Chaand Dhal Raha Hai[/glow]
|
|
|
|
Post by Lovely on Mar 8, 2007 4:11:13 GMT 10
Buhat hi zabardast gr8 collection sohni Very Nice  |
|
|
|
Post by prettyss0 on Mar 8, 2007 18:47:44 GMT 10
v nice Sohni
|
|
|
|
Post by SupremeSohni on Mar 9, 2007 1:15:54 GMT 10
thanks lovely and sadia
|
|
|
|
Post by angel on Mar 9, 2007 1:43:11 GMT 10
hmmmm...superb collection
|
|
|
|
Post by deadly on Mar 9, 2007 14:29:20 GMT 10
WOW maza ageya hay sohni je  |
|
SupremeSohni
Chand meri zameen phool mera watan
