Post by manobillii on May 1, 2007 1:41:26 GMT 10
[glow=red,2,300]MERAY HUMSAFAR[/glow]Mairay humsafar, tujhay kya khabar
Yeh jo waqt hai kisi dhoop chaon k khail sa
Isey daikhtey, isay jhailtey
Mairi ankh gard se att gai
Mairay khuwab rait mai kho gaye
Mairay hath barf se ho gaye
Mairay bekhabar tere naam per
Wo jo phool khiltay they hont per
Wo jo deep jaltay thay baam per,
Wo nahi rahey
Wo nahi rahey K jo aik rabt tha darmayan wo bikhar gaya
Wo hawa chali
Wo kisi sham aise hawa chali
K jo barg thay sar-e-shakhe Jan, wo gira diye
Wo jo harf darj thay rait per, wo ura diye
Wo jo raaston ka yakeen thay
Wo jo manzilon k ameen thay
Wo nishan-e-pa bhi mita diye!
Mairay humsafar, hai wohi safar
Magar aik moor k farq se
Tere hath se mairay hath tak
Wo jo hath bhar ka tha fasla
Kai mosamon main badal gaya
Usey naptey, Usey kaat tay
Maira sara waqt nikal gaya
Tu mairay safar ka shareek hai
Main tere safar ka shareek hon
Per jo darmayan se nikal gaya
Usi fasley ke shumar main
Usi be yaqeen se ghubar main
Usi rahguzar ke hisaar main
Tera rasta koi aur hai
Maira rasta koi aur hai..
Chand meri zameen phool mera watan