^Dariyaa na Pul^

[angel]

Dariyaa na Pul


kare dariyaa na pul mismaar mere
abhii kuchh log hain us paar mere

bahut din guzare ab dekh aa_uuN ghar ko
kahen ge kyaa dar-o-diivaar mere

vahin suuraj kii nazrien thin ziyaadaa
jahaN the peyr saayaadaar mere

vahii ye shahar hai to shahar vaalo
kahaN hai koocha-o-baazaar mere

tum apanaa haal-e-majburii sunaao
mujhe to khaa gaye aazaar mere

jinhen samajhaa thaa jaan_parvar maine ab tak
vo sab nikale kafan bar_daar mere

guzarte jaa rahe hain din havaa se
rahen zindaa salamaat yaar mere

dabaa jis se usii patthar mein Dhal kar
bikey chehare sar-e-baazaar mere

dariichaa kyaa khulaa merii Gazal kaa
havayein le uri ashaar mere

[zee]

very nice

[deadly]

Kool

[angel]

thanx frndz