Magar Wapis Nahi Aate!!

[SupremeSohni]

Mere Mehboob Nama Bar
unhain kehna yahi jaa kar
marasim laakh gehre hon
dilon ke dil se, phir bhi jab
mile inko na woh chahat
ke jiske khuwab dekhe hon
tu aise main phir ahal-e-dard
wafoor-e-gham se ghabra kar
dilon main chot si kha kar
marasim tor dete hain
safar jiski na manzil ho
thakan hi jiska hasil ho
musafir thak ke bil-aakhir
woh raste chor dete hain
sukoon barbaad hota hay
ye dil na-shaad hota hay
ba-zahir kuch nahi kehte
khamoshi se
saleeqe se
sambhal kar toot jaate hain
basaira kar nahi sakte
kisi ke dil main jab arman
thake panchi ki soorat phir
ye wapis laut jaate hain
phir inko laakh bulwaaoo
kiye apne pe pachtaaoo
magar ye roothne wale
kabhi wapis nahi aate
khayalon ke safar main ye
sada pehchan lete hain
sab hi kuch jaan lete hain
khata ko bhool jaane ki
dilon main thaan lete hain
magar wapis nahi aate

MAGAR WAAPIS NAHI AATE

[deadly]

Kool

[zee]

very nice