|
|
Post by zee on Jul 13, 2007 19:39:02 GMT 10
|
|
|
|
Post by zee on Jul 13, 2007 19:48:28 GMT 10
is saray wakiye say mujhy kitna dukh aur afsos hua hai bta nahi sakta
mushraaf apni kursi ko bachany k liye pta nahi aur kitnay insaano ka khoon piye ga
humari Army duniya ki wahid Army hai jo apnay he logo ko marti hai
aur apnay he country ko fatah karti hai
kia waki in logo ka jurm yeh tha k in ko Saza-e-mout day de jati
yahan aisay ministers bhi hain jin par 302 k case hain
magar woh hakooomat main shamil ho kar mazay kar rahay hain
kia in logo ko mafi nahi de ja sakti thi ?
|
|
|
|
Post by prettyss0 on Jul 15, 2007 12:07:47 GMT 10
no doubt yai pakistan kai liyay aik nihayat afsosnak waqiya hay iss main hakoomat nay bohat jaldi ki aor may be asal haqeeeqat abhi bhi hummain nahi pata magar aik baat jiss ka mujhay
zyada afsos hua hay woh yai kai aesay ulama ki waja say Islam jesa yai magrib kai log dikhana chahtay hain kai aesa hay inho nay ussi tarhan paish kiya hay..Konsa Islam hummain khudkushi ka kehta hay un ulama ka paigan bilkul sahi tha magar tareeqa ghalat aik masjid main aslha klashnkofon ki kya zaroorat ...apni awaz ko hathyar banatay na kai iss tarhan...aor rahi baat in logon ko muaafi denay ki to sirf issk ai liyay yai kahon gi kai muaaf to kissi ko bhi kiya ja sakta hay kyon nahi kiya ja sakta magar iss tarhan to kal koi bhi uth kay shariyat kai mutabiq kissi chor ko dekhtay huay uss kai haath kat de yani in faislon kai liyay idaaltain kiss liyay hain police kiss liyay hay .....Shariyat nafiz ho sakti hay kyon nahi ho sakti jub elections hotay hain koi Islami jammiyat ko vote kyon nahi detay phir her baar unhi politics jo kai mulak ko khanay per lagay hotay hain unko kyon vote detay ....her aik cheez ko kernay ka aik sahi rasta hota hay aor aik ghalat...sahi rasta mushkil zaroor hota hay namumkin nahi so in ulama ko aik sahi tareeqay say apna paigam pohnchana chahiyay tha thats it...
|
|
|
|
Post by zee on Jul 15, 2007 23:24:24 GMT 10
Baat yeh nahi hai k un dono ulma hazraat ka tarika ghalat tha ya sahi
woh toh ghalat tarika tha yeh to sab ko pta hai
baat yeh hai k kia un ka jurm itna bara tha k un ko mar dia jata
aur un k saath itnay masoom bachay, bachiyoon ko bhi moot ki neend sula dia jata ?
12 may k wakiye par hakoomat nay action q nahi lia tha
jub live TV par khoonreezi dikhai ja rahi thi
is liye k us k peechay khud mushraaf tha
12 may ka jurm karnay wala baray mujram thy ya yeh log ?
jahan mushraaf jaisy log qanoon ka tissue bna kar apnay jootay saaf kartay hoon wahan phir aisa he hota hai
agar police apna kaam sahi kar rahi hoti to LAL masjid wala wakiya kabhi paish na hota
humari police ka kaam kia hai ?
qatiloon, bhata khooron aur qabza groups ki hifazat karna
un say rishwat khana
aur rah gai yeh baat k agar un ko maafi day di jati to kal ko koi kisi chor ka haat kaat deta
sirf is aik " KHAYAL " k tehat aap kisi ko jaan say nahi mar saktay
agar police chor aur dako ko pakar lay aur un ko saza ho jaye to koi kisi ka haat nahi katay ga
warna haat bhi katay jain gay
aur sar bhi
rah gai baat maghrib ki
toh mushraaf nay yeh sab maghrib ko khush karnay k liye he to kai hai
aur maghrib jo Iraq aur afghanistan main kar raha hai woh sab kia hai
us say kis ka image kharab ho raha hai
is waqt duniya main kon sa aisa muslim country hai jis nay kisi dosray country par attack kia ho
agar bush , America aur pooray maghrib ki Dahsaht gardi k bawajood Christian ka image kharab nhai ho raha
to un 2 ulma haazraat ki waja say bhi islam ka koi image kharab nhai ho sakta
yeh sirf humara complex hai jo west k media nay create kia hai
yahan darhi wala aik patkha chala day to CNN par breaking news aa jati hai
Maghrib ko samjhna aur un ki nazar say dekhna bekar hai
k woh sab janta hai aur samjhta hai phir bhi islam k baray main ulti baat karta hai
Muslims ko bus Ehsas-E-Kamtri k is complex say bahar niklna hoga
|
|
|
|
Post by prettyss0 on Jul 16, 2007 4:35:52 GMT 10
CNN ki nesnahi apnay mulak ki news dekhi hain main nay Aaj aor geo dekhti rahi hon in tamaam hours main woh ulma chata to itni janain na jatin khud ko giraftar kerwa deta kya hota muqdmain hotay magar itni khoon rezi na hoti 12 may ko kya hua aor kya nahi haqeeqat main mujhay nahi ilm magar iss waqiyay ki live coverage poori dekhi hay main nay...main Musharaf ki hami hargiz nahi hon magar iss waqiyay ka saara qasoor musharaf ka nahi hay unka qasoor kitna tha sirf yai nahi tha kai unho nai chund aorton ko agwa kerwa liya aor yai woh unkai iss amal ki waja say itni khoonrezi hui hay un ulama ki waja say itni masoom janon ka ziya hua hay
agar woh khud ko arrest kerwa deta to chota nahi par jana tha keh deta kai un masoom janon ko bachanay k liyay khud ko arrest kerwaya uss ki bhi izzat bharhti aor uss ka paigam bhi sab tak pohanchta jang her aik maslay ka hal nahi hota...jo asal sippa salar tha khud to burqa pahan ka bhaag raha tha kyon.....
iss tarhan bhagnay say behtar tha khud ko sar utha ker arrest honay detay muslims ko koi complex nahi hay islam seedha saadha mazhab hay tashadud nahi hay islam main kissi kisam ka jabar nahi hay islam main yahan yai keh ker khud ko behla laina kai hakoomat nay magrib ko khush kernay kai liyay yai kiya kumaqli hay ...aaj tak aor kissi islamic country main aisa koi waqiya nahi hua aaj tak saudiarab main kissi nai khudkush hamlay nahi kiyay yai kya naya mazahab lai ker aa gay hain kai jiss main khudkush hamlay ko apnay islam say jor detay hain
hakoomat ghalat hay to hakoomat ko hatao laikin islam ko badnaam kernay aor uss ko use kernay ka haq kissi ko nahi hay kissi muslim ko ahsaas-e- kumtari nahi hay aik to hakoomat zalim ho to khus bhi zalim nahi ban jaya kertay in logon nay aam logon ko sirf tashadud ka sabaq diya hay apni zid ki waja say itnay logon ki janon ko ganwa diya
|
|
|
|
Post by zee on Jul 16, 2007 5:13:09 GMT 10
tum phir un dono ulma ko lay kar baith gai
hakoomat k log bhi bus yeh he kartay rahay thy
un dono ulma ko bura bhala kehtay rahay
un ki toh main baat he nahi kar raha
citizens ki jaan bachana hakoomat ka kaam hota hai
aur yahan th aik cell phone k liye insaan, insaan ko qatal kar deta hai
aur hakoomat sooti rehti hai
jub mushraaf America ki jang pakistan main laray ga
aur apnay he logo ko maray ga to us ka Reaction bhi hoga
aur agar wahan operation karna he tha toh behosh karnay wali gas phaink kar un ko baybas kar detay
then un ko zinda pakar letay
magar mushraaf ko un logo ko marna he tha
aur mera sawal wohi hai k
kia in logo ka jurm itna bara tha k in ko mar dia jata ?
is sawal ka jawab ab tak mujhy nahi mil saka hai
|
|
|
|
Post by zee on Jul 16, 2007 6:08:40 GMT 10
|
|
|
|
Post by Mr. Lonely on Aug 10, 2007 16:04:00 GMT 10
Bohat Afsoos hota hai jab Islamic Country like PAkistan main ISLAM ke against Action lainay ki batain hoti hain ....
MEra bhi Khoon kholta hai jb koi gair Islami harkat koi karta hai ... Jaisay ke Defence ka Area hai karachi main wahan mainy girls ko Aisi situations min daikh hai keh Dua karnay laga keh Ya Allah Ab to In par koi Azaab nazil karday ... Mujhay un per itna Gussa aaya keh mera Dil hua keh Abhi jaan se maar doon ... Ab khud Socho Agar main un main se kisi ke khilaaf action laita ya un ko maar daita to kia Terrorist tha ? ? ? ........
Yeh hi Sub Lal MAsjid Waloon ne kia ... Kuch arsay ke liyay Buray kaam rok Diyay thay ISlamabad main ....
|
|
